انا جايبتلكم كذا بيت حلوييييين لعيونكم انشاء الله تعجبكم
سـلام الله يـا حـب بـدى مـن يـوم او يوميـن
ملـك وقتـي و تفكيـري وغيـر كــل عناويـنـي
تمركز في خفوقي .. فوق .. ما بين الضلوع .. وبين
احاسيسي .. واعضائي .. و دمعاتي .. وشرايينـي
غزاني وحرر الخافق من الترديد .. خلي ويـن
عتقني .. جعل رب الكون من شانـه .. يخلينـي
ابي انهي مراحـل مـن ضيـاع الفكـر والتخميـن
بـحـبـه ودي أكـسـر رياجـيـل تعـاديـنـي
ابي منه حنان الكون .. ويبشـر بـالجنـاب الزيـن
ابي احساس صـادق مـن جنابـه .. كـان يغلينـي
ابي افرح مثل فرح العـرب فـي معركـة تشريـن
وابي اضحك .. وانا اصـلا ً يتيـم و فاقـد ايدينـي
ابي اسرح بـحبه .. واجعـل الاشـواق بـالتقنيـن
لـشخصـه بـس .. دون النـاس حيينـه وحيينـي
ابي اعطيه قلب ضاع مـا يـدري الطريـق منيـن
ابيه يعالجـه بـاخـلاص .. مـا يشمـت عدوينـي
ابيه يعـوض ايامـي عـن اللـي فاتنـي بـسنيـن
بها حزن الخريـف يمـر فينـي .. حيـل يوذينـي
و قولوله ترا يبشـر بـقلـب مـا غشـاه الشيـن
احبه حيـل واخلـص لـه .. ومـا انكـر محبينـي
ولكن يا خساره صدق هـذا اللـي اقولـه ويـن
بعـد يوميـن يبـينهـي العـلاقـه ثــم ينهيـنـي
لان احنا اتفقنا فالبدايه .. (معرفـة يوميـن)
بعدهـا للـحـزن والدمـع بـترديـن يـا عيـنـي
آلشاعـر / مشاري الشليمي
تحيااااااااااااتي لكم اتمنى تفااااعلاتكم وردودكم الرووعه